Diamond Learning Center ta ofrece ‘huiswerkbegeleiding’ awor

ORANJESTAD – Aruba a haya un centro acerca cu tin e meta pa asisti muchanan cu nan huiswerk. Diamond Learning Center a anuncia esaki diahuebs den un comunicado. Diamond Learning Center ta un lugar na unda nos muchanan y hobenan por bin despues di scol pa asina han?a e guia y ayudo necesario pa nan progreso y desaroyo educativo. Nan ta duna servicio di loke ta conoci den nos comunidad como Huiwerkbegeleiding.

Diamond Learning Center ta un facilidad nobo bou guia y maneho di Srta. Marlie?nne Lyder cu varios an?a di experiencia den educacion pa muchanan y tambe hobenan. Nos meta no ta solamente pa yuda den e educacion y desaroyo di cada alumno, pero tambe duna e guia educativo na un manera interactivo y divertido.

Alaves e strategia ta pa yuda cada alumno encontra e methodo con pa studia mas eficiente y encontra e potencial den nan mes. Nos ta yuda nan pa planea nan manera di studia. Cada alumno lo han?a atencion indivual y asina nos ta percura pa cada alumno na final di dia lo ta bon prepara y mas importante cu nan a compronde nan materia completamente. Alumno nan cu mester di guia adicional (bijles) pa materianan specifico, esaki tambe ta posibel pa entre otro e materianan di Ingles, Mathematica y N&T.

E servicionan ta pa alumno nan di scol primario y segundario. Nos ta brinda e posibilidad pa haci pedido di cuminda e dia anterior y lo ricibi esaki na yegada. E opcion aki ta valido tanto pa alumno como mayornan.

Diamond Learning Center ta situa na Seroe Blanco 39 D, Lokaal 3

Habri di Dialuna pa Diahuebs cu e horario di 1:30 di merdia pa 5or di atardi. E facebook page: Diamond Learning Aruba

Email: diamondlearningaruba@gmail.comy e telefon ta 669-4422 pa mas informacion.