Plataforma preocupa cu fundacion a stop di sterilisa cacho y pushi

ORANJESTAD – Plataforma Ley Di Cacho a mustra nan preocupacion cu e noticia cu NoticiaCla a reproduci ayera, esta cu e fundacion Stimami Sterilisami no ta sigui cu sosten pa sterilisa cacho y pushi di Aruba. E plataforma riba nan pagina di facebook a mustra cu ayera merdia tur Fundacion a haya e noticication desastroso cu no lo por haci uso mas di e campanja di Stimami Steralisami !

DEPENDENCIA

Mayoria fundacion ta depende riba e bondad di Bucuti Hotel y nan campanja pa combati e problematica cu tin riba nos isla. Apesar di diferente esfierso pa yuda y recohe cachonan riba caya sin e campanja aki e tarea aki lo pone cu e costonan lo bira mas halto ainda.” Tin miedo cu si stop di recohe cacho a steralisa e cantidad lo redobla y cu tur esfuerso lo ta invano. Mester pensa cu e problema aki ta uno di Pais Aruba y no di fundacion so” e plataforma ta sigui bisa. 

E PLATAFORMA

E plataforma a haya bida na 2015 ora cu e ley nobo di cacho a pasa y keda implementa 1 di januari 2015, cu ta duna autoridad e poder pa actua contra doñonan irresponsabel di cacho. E mision di e plataforma ta pa concientisa doñonan responsabel, door di mustra nan nan responsabilidad conforme e ley.