Atleta yiu di Corsou, eligi atrobe e Hulandes Conoci mas positivo

AMSTERDAM – E atleta yiu di Corsou Churandy Martina a keda scohi atrobe como e Hulandes Conoci Mas Positivo di 2018. Esaki ta segun un encuesta online di Mark Verhees durante cual el a haya 21% di e votonan. Ta di dos biaha cu Martina ta haya e honor aki, ya cu na 2016 caba el a keda eligi. “ Danki na mi hendenan stima cu a vota pami” Martina a bisa na ingles riba su portal. “Mi ta spera cu mi por sigui inspirabo pa ta mas positivo tur dia pa asina nos por tin un mundo positivo”. Deportista paralimpico Bibian Mentel a keda na di dos lugar prome cu e futbolista Nathan Rutjes. Segun Verhees, Hulandes gusta deportista cu fuera di nan exito, por maneha tambe nan derota cu un forma di gracia. Nan no tin cu ni gana. Ta e drive, e determinacion, combina cu e transmission positive y un forma contento di hiba bo bida. Verhees ta un expert riba tereno di positivismo.