Director di Serlimar ta lamenta critica cu e ta un yiu di Corsou

ORANJESTAD – E director nobo di Serlimar Henley Davelaar ta lamenta cu ta usando e hecho cu e ta un yiu di Corsou, como un ‘issue’. E director diamars mainta a probecha e oportunidad durante un conferencia di prensa urgente pa atende cu e asunto di video di dje cu ta circulando, pa atende e problema di su ‘nacionalidad’. E ta lamenta cu ta haci dificil cu e hecho cu e no ta un Arubiano, sino un yiu di Corsou. “Aruba ta un di mi islanan prefer. E ta un isla ruman” Davelaar a bisa den su declaracion. 

SOLICITUD

E ta mustra cu mescos cu tur otro hende, el a aplica na april/mei ultimo pa e funcion di director di Serlimar Sui Generis. Ta riba un tip di un amiga, el a actua y a dicidi di solicita. Un proceso cu a dura casi 5 luna, unda cu el a pasa door di yen di entrevista y assessment. Y ta for di esey el a sali como esun miho pa haya e posicion di director. E ta haya lamentable cu ta usa e hecho cu e ta di Corsou como un problema. “Semper mi a stima Aruba. Mi ta considera  Aruba como un isla ruman, mi no ta mira un diferencia”Davelaar a bisa. Nota: Potret ta di e director durante su prome dia di trabou na Serlimar.