Awe a prohibi entrada na otro agente policial na wardanan di polis

ORANJESTAD - Den cuadro den un investigacion interno, Cuerpo Policial Aruba a informa cu awe diamars 30 di oktober  2018 e agente policial di inicial K.G.R. a wordo prohibi pa drenta tur wardanan di polis. Tabata un siman pasa cu un otro polis, di inicial P.A.K.G. ,  den cuadro den un investigacion interno tambe a wordo prohibi pa drenta wardanan di polis.

Cuerpo Policial ta para pa siguridad, servicio, integridad, vigilancia y disponibilidad. E pueblo mester por sinti su mes sigur y mester por conta cu e experticio, ayudo profesional y e profesionalismo di nos organisacion policial.