Davelaar: E video no tin relevancia den su carera na Serlimar

ORANJESTAD – “E video no tin relevancia den mi carera”. Asina e director di Serlimar, Henley Davelaar, a bisa den un conferencia diamars mainta. E tema tabata e video personal cu a aparece den fin di siman di e director, teniendo relacion sexual cu su pareha di e tempo ey. Segun e director, ta trata di un video di 2006 na Corsou, cu a bolbe aparece. E ta contemplando pa haci un denuncia un biaha mas (el a haci un denuncia na Corsou caba ora cu e video a aparece di prome biaha), y ta spera cu e biaha aki algo por sali afo. Mes momento e ta sigura, cu e asunto di video no ta bay strob’e di traha. 

E VIDEO

E video ta trata pues un momento personal di relacion sexual entre su pareha (di e tempo ey, ya cu Davelaar a bisa durante e conferencia di prensa, cu e no ta cu e pareha ey mas awor. “E ta haci dolor. Cosnan asina no ta placentero” Davelaar a sigui bisa riba e situacion cu a surgi awor. “Mi ta condena actonan asina” Davelaar a sigui bisa di e situacion. E video (tabatin dos) tabata traha na 2006 y a aparece den publico na 2007, despues cu a horta su telefon. Un aña despues di a horta su telefon (Blackberry), e video a aparece na Corsou. E tempo ey el a haci denuncia y a inicia un investigacion. Problema ta, cu e tempo ey di Blackberry, nan ta hopi ‘sigur’ pues hopi informacion no por a saca afor di unda esaki a origina. Aworaki cu e caso di Whatsapp, si ta mas facil pa haya sa, di unda e video aki a origina, segun Davelaar. “E video no tin relevancia aworaki na Serlimar” Davelaar a bisa. E ta gefocus riba su trabou nobo, y ta mira esaki cu hopi entusiasmo.