Gana vakantie pa Miami cu competencia di arte bou hobenan organisa pa Nagico Insurances

(ADVERTORIAL) ORANJESTAD - Durante un rueda di prensa na Aruba Experience Café & Pattiserie, Nagico Insurances su team di Mercadeo a anuncia e comienso di un competencia di arte cu jama ‘Nagico’s Carnaval Art Contest. E competencia lo saca un ganador cu lo gana 2 Pasashi, Estadia pa 5 dia y un tour na Miami. E competencia tin objetivo pa celebra nos talentonan local entre 13 cu 18 aña di edad por media di traha un diseño creativo pa Nagico. Esaki lo wordo usa riba e trailernan di e bandanan cu Nagico lo patronisa pa Carnaval 65.Manera ta conoci Nagico ta kere firmemente den nos Cultura y durante tur temporada di Carnaval ta patronisa diferente banda musical. E trailernan di e bandanan semper ta wordo decora cu bannernan sumamente bunita. Pa e sigiente temporada lo kier pa nos hobenan talentoso mustra nan creativad por medio di manda un (1) diseño pa por implementa riba tur e trailernan. E bandanan cu Nagico ta patronisa pa Carnaval 65 ta Tsunami, Buleria y Le Groove. Pues e diseño lo ta ilustra riba 3 diferente trailer.Con pa ParticipaNaturalmente tin algun regla pa por participa den e campaña aki cu tin como premio Dos (2x) Pasashi Ida y Buelta pa Miami, Accomodacion pa 5 dia y un tour di arte den e districto di arte Wynwood. E participante mester ta entre 13 cu 18 aña di edad y e participante por entrega solamente un (1) diseño. E diseño mester ta entrega personalmente na oficina di Nagico na Savaneta/ Dakota of via email: marketing.aruba@nagico.com. E diseño por ta traha den computer of por ta pinta na man usando diferente disciplina di arte. Esaki ta keda libremente na cada particpante. Tambe ta importante pa menciona cu e participante tin cu yena e formulario di inscripcion cual ta disponibel via e facebook di Nagico https://www.facebook.com/nagicoarubanv/DeadlineE competencia ja ta habri pa e participantenan y e ultimo dia pa entrega e diseño ta 30 di November 2018.E resultado di e competencia lo sali den publicacion dia 10 di December 2018. Esaki lo ta despues cu un team di hueznan lo delibera riba cual diseño ta esun mas creativo pa Nagico Insurance profila su mes durante e temporada di Carnaval.