‘World Mosquito Program’ por ta solucion pa combati Dengue, Chikunguya y Zika

ORANJESTAD - Diahuebs siman Minister di Salubridad Publico Sr. Dangui Oduber a ricibi bishita di Dr. Jorge Osorio cu ta representa e region di Americas den e WORLD MOSQUITO PROGRAM. Asina gobierno a informa pa medio di un comunicado dialuna.  Dr. Osorio a duna un presentacion na e mandatario conhuntamente cu su conseheronan di salubridad, management di DVG y hoofd di GKMB Sr. Luis Chong.

E “World Mosquito Program” ta un grupo “not for profit” cu ta traha pa desaroya y implementacion di e bacteria cu ta yama “Wolbachia” como un metodo efectivo pa reduci e malesanan ocaciona pa sangura Aedes. E programa aki ya caba a mustra su efectividad na otro paisnan. E tecnologia inovativo di e programa aki lo contribui na caba cu virusnan manera dengue, chikungunya, gele koorts y zika na Aruba segun e Mandatario.

 A compronde cu minister i Oduber ta interesa pa haci esaki un realidad pa nos comunidad. Prome mester sinta cu tur e stakeholder pa wak con ta yega na e fondonan necesario.