Accidente di trafico fatal marduga riba caminda di Bubali

ORANJESTAD - Awe dialuna madruga pa 00:34 central di polis ta wordo notifica door di Central cu un accidente a caba di tuma lugar riba e caminda di Bubali. Ta dirigi e patruya di Noord na e sitio di e sucedido y nan yega ta topa cu un toyota yaris color shinishi numera A-6665 cu lo a dal den un mata di kwihi. Personal di ambulance ta yega na e sitio tambe y ta trata na yuda e victima chauffeur pero lamentablemente no por a hasi nada mas pe. Pa 1:15 dr Texier ta constata morto di Gilbert Eloy Wernet naci na Aruba dia 1 juli 1982 ( 36 aña) y biba na Papilon. Departamento di trafico a presenta na e sitio pa hasi nan investigacion. Tambe polis technico y slachtofferhulp. NoticiaCla y Cuerpo Policial Aruba ta manda palabra di condolencia na famia di e fayecido.