Curpa di 2 Venezolano cu a fayece siman pasa transporta awe nochi pa Venezuela

ORANJESTAD - Un rato pasa un avion tipo M-28 Sky Truck siglas GNB-96105 a sali rumbo pa Venezuela cu e dos curpanan di e Venezolanonan cu a fayece siman pasa diasabra ora cu nan a yega Aruba cu un boto na Santana di Cacho. Hunto cu nan, a compaña nan 5 miembro di nan famia. Tabata awetardi  den nomber di MinPres y Gobierno di Aruba a firma pa asina haya permiso di Ministerio di Relacion Exterior di Hulanda pa un avion militar Venezolano por bin busca e curpanan di e dos persona cu a fayece na e costa di nos Pais. E permiso a ser otorga y awenochi e avion ta wordo spera. “ Nos ta spera cu e famia lo por haya tiki consuelo den e momentonan asina dificil aki” minister Xiomara Ruiz a bisa diabierna anochi. Diasabra ta haci un siman cu e dos personanan aki a yega Aruba pero no a sobrevivi e odisea di e crusada di Venezuela pa Aruba.