Gobierno ta bin cu cambio di ley pa kita cobransa di BBO riba factura

ORANJESTAD – Fin di e aña aki gobierno lo presenta na Parlamento cambio di ley pa kita e cobransa di BBO for di riba factura. Segun minister di finanza y economia Xiomara Ruiz, a dicidi pa haci esaki pasobra ora cu a introduci e BAVP, tabatin discucion den comunidad cu hende tabata cobra e diferencia di e entre 6 pa 6.38% di BBO. “Tur hende kier cobra kico cu nan kier” Ruiz a bisa. Pa evita esaki, a dicidi pa pone ordo riba esaki. Y como cu no tin un ley cu ta considera e practica aki como un ‘delito’, mester regula esaki miho. “Pa por evita e bruhamento aki, a dicidi cu ta cambia esaki di e facture. E ta un di e recomendacionan cu ATIA a trece dilanti como su punto y evita mas discussion.