Camara di Comercio di Aruba a condiciona su participacion na Green Aruba

ORANJESTAD – Camara di Comercio di Aruba ta dispuesto pa apoya e evento Green Aruba - Europe Meets the Americas, cu e condicion cu gobierno  compromete su mes pa, hunto cu otro partinan interesa, cuminza cu atende un lista di puntonan treci dilanti pa Camara di Comercion (KvK), pa logra mehora e clima di inversion na Aruba pa tur inversionista, local y di exterior. Esaki Camara di Comercio a participa na Prome Ministro y a informa medionan di comunicacion diabierna mainta.

Camara di Comercio (KvK) a elabora un lista extenso di punto cu merece atencion y cu segun KvK lo contribui na un mehor clima di inversion, y na mas facilidad y transparencia tanto pa empresa como pa e ciudadano individual (lesa otro articulo adhunto). Camara di Comercio (KvK) tabatin diamars dia 14 di October ultimo un encuentro cu Prome Ministro Sr. Eman, encuanto e concepto di Aruba como "gateway" pa comercio di Europa, America Latina y region di Caribe. Punto di bista di KvK ta cu si Aruba mester tin un futuro como gateway, esaki ta intimamente mara na mehoracion drastico die clima di inversion na Aruba, y esaki tabata punto di discusion den e entrevista cu Promer Ministro.