Thasiana Seraus y Kamilah Dammers Naddall ta logra medaya na Brazil

BRAZIL – Tanto Thashaina Seraus como Kamilah Dammers Naddall a logra varios medaya na Brazil e siman aki. Thashaina Seraus a ricibi su medaya di Oro den e All Events di e PABCON Campeon de Campeones 2018.E bolichero Seraus ta logra e promedio di puntuacion mas halto den tur e eventonan hunto. Merecidamente e ta bira e mihor bolichera di e torneo di bowling di mas grandi di e continente America na Rio de Janeiro, Brazil. Na Brazil, Thashaina a logra 2 medaya di Oro, 1 medaya di Plata y 1 medaya di Brons. 

KAMILAH DAMMERS NADDALLMientrastanto Kamilah Dammers-Naddall ta logra e prome lugar pa Aruba den e PABCON Campeon de Campeones 2018. 

Despues di a gana Thashaina Seraus(medaya di Brons) den e semi-final, Kamilah ta vence su contrincante Mericano den e gran final pa asina hiba e medaya di Oro pa Aruba den Masters. 

Awor tanto Thashaina como Kamilah a logra haci historia pa Aruba den e torneo di PABCON caminda nunca antes nos a logra gana medaya di Oro. E miho bolicheronan di e continente America ta hunga den e torneo aki.