'Caminata pa Paz’ na honor di Camilo Sosa diadomingo awor

ORANJESTAD – Mientras cu ainda no tin pista di e asesino di e hoben Camilo Alejandro Sosa, esta Ryan Paskel, famianan y conocirnan ta organisando un Caminata di Paz na su honor cu ta tuma lugar diadomingo awor 28 di October na Palm Beach. Tabata comienso di september cu Sosa a keda hinca mortalmente pa Ryan Paskel na e area di hot zone na Palm Beach. E sospechoso ainda ta fugitivo. Pa loke ta e caminata, esaki ta sali 5’or for di e Rotonde di Ritz Carlton, sigui Marriott, Palm Beach Plaza, High Rise Hotels, y caba na altura di Strand politie/ Rui Antillas. Famia a pidi pa tur hende bin bisti na blanco. E caminata ta pa concientiza tur hende di e situacion, y cu cosnan asina no por sigui. E famia di e hoben no ta nada contento y manera a priminti, lo no para keto. Y esaki ta un di e accionan cu nan ta tuma, pa no laga memoria di nan yiu stima bay perdi.