Personal di Warda costa a los tiro y logra gara tres piscado Venezolano

ORANJESTAD – Diaranson atardi rond di  17:34 di atardi e camber di radar di Steunpunt Aruba di Warda Costa á detectá un contacto den e awanan territorial di Aruba na 8.4 miya di Oostpunt di Aruba. E Rescue & Coordination Center di Warda Costa(RCC) a asistí Steunpunt Aruba door di fiha e curso di e contacto y dirigí  e SuperRhib na e contacto. Ora e personanan a detectá e SuperRhib nan a purba di huí . Mirando nan reaction y e manera cu e go-fast tabata moviendo á sospechá cu por ta un transporte di arma ó droga tabata tumando luga. . Durante e persecucion a los algun bala di advertencia pa pone e boto para.  Banda di 18:40 à intercepta e boto sin lus. Tabata tin tres persona a bordo. Finalmente a resulta cu ta tres piscado Venezolano ku tabata pisca ilegalmente den e awanan di Aruba. Na a purba di corta e cabuya di e Palambra cu nan tabata pisca cu ne promé cu Warda Costa yega e boto. Tur tres persona a wordu deteni y e boto a wordu hiba na e pier di Warda Costa. Fiscal a impone un multa di 15.000 florin Arubano. E boto a keda confisca y e tres persona a wordu deporta ayera. Si keda sin paga e but e boto lo wordu destrui dentro di un par di siman. Steunpunt di Warda Costa na Aruba ta enfatisa ku huntu cu su partnernan, KPA, Imigracion, Kust surveillance y Duana lo keda alerta pa cualkier ilegalidat riba laman y na costa di Aruba.