Sindicato Alvast kier reunion urgente diaranson cu directiva di Elmar

ORANJESTAD – Sindicato ALVAST (sindicato cu ta representa e hefenan di Elmar) a urgi e directiva di Elmar pa reuni urgentemente cu e sindicatonan riba e ultimo desaroyonan. Asina e sindicato a manda bisa NoticiaCla den un comunicado di ultimo ora diamars anochi laat. Prome cu esey, sindicato STA a menasa cu e compania di utilidad lo bay plat si dentro di 24 ora no revoca e suspension di 2 trahado di e compania. Cu e dos sindicatonan mandando un mensahe asina,  ta mustra cu cos ta hopi serio y tenso y cu nan ta determina pa haya atencion di esnan responsabel. 

SITUACION 

ALVAST a bisa pues cu siman pasa a solicita un reunion urgentemente cu hunta di comisaro di nv Elmar ,pa haña claridad riba acuerdo logra cu e proximamente ex director Robert Henriquez ,  y unda cu e board a laga  sa cu tin indicacion serio  ariba e investigashonan cu e maneho di sr. Henriquez , tabatin efecto hopi negativo  pa nv Elmar. A mustra cu te awe ainda  e sindicato en cuestion no a haña reaction di parti di e hunta di comisario ,  pa cu e reunion solicita urgentemente . Como tal sindicato Alvast a urgi e directive pa diaranson mainta reuni urgentemente cu e sindicatonan ariba e ultimo desarollonan cu  tin ariba e investigacionnan cu tin ariba e dos coleganan en cuestion. Potret ta di archivo di e sala di NV Elmar.