Sindicato STA ta menasa pa ‘pone Elmar plat diabierna awor’

ORANJESTAD – Sindicato STA ta menasando cu un accion diabierna awor na Elmar. Asina e presidente di e sindicato Diego de Cuba a confirma na NoticiaCla diamars anochi. “ Carta ta bay pa ELMAR mayan pa pone  dos empleadonan cu ta geschors back na trabao den 24ora sino e empleadonan ta dal abao” De Cuba a bisa. Si esey no pasa, ta pone e compania plat, cu consecuencia cu por kita coriente. E promer motibo pa schorsing di e trahadornan tawata fraude y awor ta conflicto di interes. Pa ambos, segun de Cuba, no tin notibo pa e schorsing.

INVESTIGACION

Segun de Cuba, e companianan"Compliance & Forensic Services Caribbean" y e compania "Advance Human Resources Development & Counseling" a strika miyones di NV ELMAR cu concentimiento di Robert Henriquez, segun de Cuba. “ Anto te hendenan aki ta bezig cu e investigacion pa bula cabez di trahadornan di ELMAR” e lider sindical a sigui bisa. 

MESSAGE

Mientrastanto hunto cu ne, tin un broadcast msg di e sindicato STA bisando textualmente “ELMAR cu hopi chens di bay plat diabierna..Pueblo prepara bela..lampi , keronsine..fooks..delco...Sindicatonan ta fada”. Te eynan e mensahe ta bisa. 

TENSO

E situacion ta tenso basta tempo caba, te cu a yega na un acuerdo pa core cu e director Robert Henriquez, citando cu e no tabata haci su trabou corecto y cu a opta e ora pa trece paz bek den e compania cu e baymento di e director. E ultimo dia di trabou di e director ta 31 di October 2018. Pero awor ta parse cu esey no a resolve e asunto y cu cos ta sigui tenso den e compania di utilidad.