Oduber: ‘E proceso pa director di Serlimar tabata totalmente habri y transparente'

ORANJESTAD – E proceso di solicitud pa un director nobo di Serlimar a bay totalmente transparente. Asina minister di medio ambiente Otmar Oduber a bisa NoticiaCla diamars. E nombracion di Henley Davelaar como director nobo a lanta basta stof, primordialmente pasobra e ta bin di Corsou. E critica tabata si hende for di Aruba no por a haya. Notable ta cu hasta hende liga na gobierno y trahando den gobierno den coalishon a critica e nombracion aki fuertemente, entre otro riba Facebook. 

E SOLICITUD

Loke cu NoticiaCla a compronde di Oduber ta cu a pone e solicitud pa director di Serlimar den man di Deloitte Aruba, pa asina e bai na un forma mas transparente posibel. Un total di 16 persona a solicita. Na final 3 tabata qualifica: un Arubiano, un Hulandes, un hende di Corsou. Esun di Aruba a keda na nr 2 pero toch a purba negocia cu ne, considerando e salario cu e lo a desea, ta hopi mas halto cu locual por worde carga pa Serlimar, como tambe e hecho di opzeggingstermijn serca un di e candidatonan tawata demasiado largo. Na final no a logra yega na otro. A negocia sigientemente cu e persona cu tawata e candidato cu a sali number un for di inicio y a yega na un acuerdo cu su persona. E tbt un proceso habri y transparente.. “ E tabata un proceso habri y transparente   Oduber a sigura NoticiaCla.