Hulanda contra Theo Heyliger como premier St Maarten

DEN HAAG – Un mayoria den parlamento hulandes kier pa Hulanda interveni si St Maarten nombra Theo Heyliger como e proximo prome minister di e isla. Segun partidonan VVD y PvdA, no por ta asina cu un comerciante , cu lo a wordo cataloga pa un hues como un pisca grandi den un caso di fraude electoral, por yega na Reino Hulandes. E reaccion a bin despues cu a bira conoci cu Heyliger mes a anuncia cu e ta bay pa e funcion mas halto, ‘pa complace esnan cu a vota pe’. Heyliger ta un conocido comerciante den asunto portuario. Segun informacionnan for di Hulanda, for di momento cu su partido a gana, esaki a cuminsa preocupa politiconan hulandes. E hecho cu Heyliger mes por bira prome minister, segun Hulanda, ta bay ‘mucho leu’. Asina e corant hulandes Telegraaf ta raporta.

Manera ta conoci y a keda raporta tambe den NoticiaCla.com, St Maarten ta bou di investigacion hulandes pa motibo di e situacion corupto cu e isla ta conoci pe. Minister hulandes Ronald Plasterk a referi na e situacion como incomprendibel y espantoso den e forma con e isla ta anda cu su cosnan. Como tal a instrui caba pa riba varios tereno, bin medida estricto pa evita y frena mas caso di corupcion riba e isla.