- Alerta di temblor fuerte na Venezuela ta causa preocupacion entre residente y usuario di Android
- Dos fanatico mericano di Mundial ta ricibi invitacion VIP inespera di Prome Minister di Corsou
- Wever: Fondo di inversion AIOF awor ta realidad pa financia proyectonan importante
- Analisis: Cuanto oportunidad Corsou tin contra Costa di Marfil?
- Dera gai no ta solamente un baile, sino un portret di Aruba mes
- Alerta di temblor fuerte na Venezuela ta causa preocupacion entre residente y usuario di Android
- Dos fanatico mericano di Mundial ta ricibi invitacion VIP inespera di Prome Minister di Corsou
- Wever: Fondo di inversion AIOF awor ta realidad pa financia proyectonan importante
- Analisis: Cuanto oportunidad Corsou tin contra Costa di Marfil?
- Dera gai no ta solamente un baile, sino un portret di Aruba mes
Xander Bogaerts y Kenley Jansen ta marca historia hasta prome cu wega cuminsa!
BOSTON – Awe nochi hopi hende di Aruba lo ta claba na television pa wak e prome wega di Serie Mundial di baseball Grandes Ligas. E ta un evento annual hopi gusta, pero e biaha aki e tin un toke mas local, tanto pa ciudadanonan di Aruba y Corsou ya cu den cada un ekipo tin un yiu di tera. Y considerando e nivel di e liga, e tipo di wega (E Serie Mundial!), esaki ta demonstra cu nos hendenan, pa chikito cu nos islanan ta, a produci talento internacional professional pa ta orguyoso di dje. Xander Bogaerts (Aruba) y Kenley Jansen (Corsou) ta topa otro y ta motibo suficiente pa tur hende mira e weganan y sostene ambos ekipo. Aki na Aruba, cu Yankees (e otro ekipo popular) for di contienda, ta keda nada mas cu sostene Boston. Aunke ta pa ta solidario cu nos yiu di tera, Xander. Pa Xander, pa hoben cu e por ta, esaki ta bira su di dos Serie Mundial, mientras cu pa Kenley, e biaha aki e tin cu logra loke no a logra aña pasa, esta pasa pa Serie Mundial.
HULANDAY manera por a spera, a cuminsa e debate atrobe ora cu ta trata raportahe di nos yiunan di tera riba tereno internacional y con Hulanda su media ta raporta esaki. Hopi local ta cuestiona e hecho cu ora cu e yiunan di tera ta resalta, cu ta nombra nan como ‘Hulandes’, y ora cu nan ta den luz negativo, mesora ta lubida cu nan ta Hulandes y ta haci mencion di yiu di Corsou, of Antiano. Asina mes, e importante ta cu nan ta hayando atencion y esey ta yuda engrandece nos dos islanan mas ainda. Sea si ta ‘Hulandes’ of Yiu di Corsou of Rubiano, nos tur ta carga e mesun pasaporte. Ta e logro ta e loke cu ta balota y cu ta haci nos grandi.
E WEGA
E weganan ta cuminsa diamars anochi 8:09pm ora di Aruba na Boston, y ta sigui diaranson mesun ora na Boston. Diahuebs ta un dia liber (pa nan biaha) y ta sigui diabierna 8:09pm na Los Angeles, y diasabra mesun ora. Si un di e ekiponan gana tur e prome 4 weganan, e serie ta caba diasabra mes. Si cada un cobra algun wega, e siguiente wega ta diadomingo 8:15pm, ta tuma dialuna liber (29 october), pa sigui diamars y diaranson siguiente na Boston. Exito na tanto Xander Bogaerts y Kenley Jansen.