Miembro nobo di CAFT ta sigura di funciona independiente di gobierno

ORANJESTAD – “Mi ta sigura di un bon reputacion na Raad van Advies, unda cu aki tambe mi tabata den servicio di gobierno di Aruba. Eynan mi a traha pa interes di Aruba. Esaki mientras cu esaki no semper tabata di acuerdo cu e gabinete na mando”Asina miembro nobo pa Aruba di e colegio di supervision financiero CAFT Helen van der Wal a sigura NoticiaCla diabierna. Aki el a sigura e portal aki cu e ta independiente unda cu e traha, y ademas a admiti tambe cu interes di gobierno anterior no semper tabata na interes di pais Aruba. 

INDEPENDIENTE 

E raiz di pregunta tabata di ki siguransa pueblo tin cu van der Wal, lo ta independiente den su trabou cu CAFT, no obstante e hecho cu ta gobierno di Aruba a apunte. Esey ta crea e percepcion cu automaticamente e lo por tin preferencia pa cu e gobierno y lo por defende interes di gobierno. Van der Wal, mescos cu su predecessor Chobby Croes (cu a keda apunta pa representa Aruba bou di gabinete di signatura AVP) a sigura NoticiaCla ora cu el a retira na augustus ultimo. “Mi unico interes ta pa percura pa interes di pais Aruba por yega na finanzas duradero” Van der Wal a finalisa bisando.