Hospital no ta reconoce mayoria ponencia di oncologo dr Jonkhoff

ORANJESTAD - Hospital dr Horacio E. Oduber hospital no ta reconoce mayoria ponencia di dr Roel Jonkhoff, y mes momento ta sigura cuido pa tur pashent di oncologia. Asina e hospital ta bisa den un comunicado diabierna atardi. Segun e comunicado, Dr. Horacio E. Oduber Hospital a tuma nota di e ponencianan duna ultimo dianan di dr. Jonkhoff den medionan di comunicacion encuanto e cuido oncologico na Aruba.  

PONENCIA DI E DOCTER

Segun e comunicado pues, hospital no ta reconoce mayoria di e ponencianan di dr. Jonkhoff y pues no lo bay den mas detaye. Loke si Hospital ta boga pe ta pa nos pashentnan ta trankil y bon informa tocante nan cuido oncologico. “ Contrario na loke e dokter a duna di conoce e cuido oncologico ta completamente cubri y pues tur pashent por ta trankil. Desde otro siman Hospital lo tin dos oncologo cu lo t’ey pa brinda cuido na tur pashent” e comunicado ta sigui bisa.  Dos specialista ya conoci y aprecia riba nos isla, esta dr. Henk Wassenaar y dr. Alberdina Dullemond. Poli oncologie, unda nan lo te’y pa brinda cuido ta situa na e ya conocido edificio Shocohin. Por yama libremente durante orarionan di oficina pa mas informacion na 527 4350. 

DISCULPA

Hospital a pidi su disculpa pa e inconveniencia cu e mal informacion duna lo por a causa pero kier sigura tur pashent cu nos te’y pa brinda e cuido den oncologia.