Elmar: Acuerdo cera cu ex director Henriquez ta uno ‘balansa’

ORANJESTAD – Ex director di Elmar Robert Henriquez a wordo paga a base di un ‘acuerdo balansa’, cual den opinion di Hunta di Comisario di NV Elmar, tabata den interes di tanto e compania como su empleadonan. Asina e Hunta a reacciona den un comunicado e siman aki, contraarestando noticia cu lo Henriquez a haya un ‘golden handshake’. Informacion cu NoticiaCla a haya, ta indica cu no ta trata aki di un golden handshake pero un acuerdo cu tur partido por a biba cune. 

KICO A PASAE hunta a sigui splica e proceso cu a tuma lugar cu Henriquez, desde su suspension na juli, relaciona cu ‘varios keho riba su person y /of maneho, como tambe pa motibo di inquietude laboral cu tabata tin pa añas caba’. A mustra cu anteriormente nada no a wordo haci pa e hunta anterior. Ta papia tambe di un discussion publico den prensa cu a afecta e compania negativamente. 

E ACUERDO

E hunta a sigura y enfatisa cu pa loke ta e acuerdo yega na dje cu Henriquez, cu ‘ta trata di un acuerdo balansa cual, den opinion di Hunta, tabata den interes di tanto e compania como su empleadonan’. Segun e hunta, ‘lo mas importante awor ta pa e compania cuminsa traha riba cambionan necesario y riba e tranklidad laboral’. A sigura tambe cu e investigacion ta sigui.