ORANJESTAD – ‘Te cu awor tin indicacion serio cu e maneho di (ex director Robert) Henriquez tabatin efectonan hopi negativo pa NV Elmar y tabata principal causante di e problemanan laboral den Elmar’. Asina Hunta di Comisario di e compania di utilidad a bisa den un comunicado. Mientras cu a yega na un acuerdo cu e ex director di , e hunta di comisario, a sigura cu e investigacion ta sigui. E investigacion cu a cuminsa riba Henriquez su forma di traha, debi cu tabatin ‘varios keho riba su persona y/of maneho, como tambe pa motibo di inquietud laboral cu tabatin’, y ta enfatisa cu esaki tabata pa añas caba.
KICO A SOSODE
Segun e hunta, ta trata di cosnan cu sigur lo no kier pa sigui asina of pa ripiti den future. ‘Hunta ta ricibiendo informacion tambe di posibel otro actornan envolvi den e asunto aki, cu ainda lo mester analisa. Ora e investigacion wordo completa, Hunta lo manda su rapport(nan) pa e (reunion di ) accionistanan di NV Elmar’, e comunicado ta sigui bisa.
ORANJESTAD – Conocido presentador di television Hulandes Yvon Jaspers a tende cu e ta un condecorado Real, ora cu e tabata na Aruba e siman aki. E la yega Aruba diahuebs, y a haya e yamada diabierna mainta. Pesey e no por a ricibi e premio personalmente. Tabata alcalde di Loenen aan de Vecht, di su premio, cu e la ricibi pa su trabou di television. E ta enfoca riba e bida di cunukeronan Hulandes entre otro.
ORANJESTAD - Diabierna 26 di april 2024 pa 7’or di mainta (ora local) a publica e edicion special di Staatscourant incluyendo un lista di e personanan na kende a otorga un Condecoracion Real e aña aki. Tradicionalmente e momento festivo aki, tambe conoci como Ocasion General, ta relaciona cu e cumpleaño di Su Mahestad, Rey Willem-Alexander, cu ta e Granmaestro di e condecoracionnan. Por otorga un condecoracion na personanan cu a duna un contribucion special na e sociedad.
ORANJESTAD - Horacio Oduber Hospital ta comparti cu comunidad di Aruba e cifranan pa loke ta luna di maart 2024. E cifranan aki banda di brinda transparencia y informacion ta duna comunidad di Aruba un indicacion di cuanto pashent Hospital ta atende mensualmente, cuanto operacion ta tuma luga, pero tambe cuanto donacion di sanger a tuma luga na Bloedbank y mas.
ORANJESTAD – Departamento di Impuesto ta su oficina principal na Camacuri lo ta cera pa publico diaranson, dia 24 di april 2024. Esaki ta debi na trabounan di mantencion necesario na e edifico. Mientrastanto Departamento di Impuesto kier sigura cu ta sigui brinda servicio na publico sin interupcion. Siguientemente ta sigui un skema di e servicionan.