ORANJESTAD - Recientemente Cuerpo Policial Aruba a haci un anuncio oficial cu lo habri inscripcion pa klas nobo di polis. E klas nobo ta riba nivel di MBO niveau 4. E klas nobo lo habri na augustus 2019. Inscripcion a wordo alarga te cu dia 2 november 2018. Nos ta duna e oportunidad na tur nos hobenan di edad di 17 pa 34 aña pa aplica. Bo por haci entrega di bo formulario na Scol di Polis. For di 08:00 mainta pa 01:00 merdia na Fortheuvelstraat 25 na San Nicolas. NO ta posibel pa entrega e formulario na warda di polis.
Tene na cuenta cu a rekisitonan cu tin na ora cu bo aplica.
REKISITO:
Bo mester tin nacionalidad Hulandes
Inscribi na Censo y mester ta biba na Aruba.
Edad minimal 17 aña maximo 34 aña.
Haltura di 1.60 meter.
Diploma di EPB doorstroom of MAVO
DOCUMENTONAN:
Copia valido di un paspoort Hulandes
Papel di AWG 5,- di Censo
Copia di diploma (MAVO y EPB doorstroom) y Lista di cifra
Copia di bo AZV
Un pasfoto reciente
PRUEBANAN
Prueba di inteligencia, Prueba di idioma Hulandes, prueba di sport, (geschiktheid onderzoek), prueba di psychologo, test medico y na ultimo entrevista di seleccion. Si bo logra tur e pruebanan aki nos ta yamabo bin bini na e estudio di MBO Klas N4-2019. Pa mas informacion por yama Scol di Polis (E.J. Watty Vos) di dialuna pa diabierna for di 09:00 mainta pa 03:00 di atardi. Tel: 527-3081. Email: [email protected].
ORANJESTAD - Wardacosta ta informa doñonan di boto y seadoo pa tene cuenta pa nan tin nan documentonan valido a bordo cual ta, ‘vaarvergunning’ y ‘vaarbewijs’ di e capitán. Zorg pa tin vest di salbabida pa tur tripulacion y pasahero abordo; no por bai ku dimas pasahero abordo di e boto pa evita situacion peligroso.
ORANJESTAD - Diabierna anochi, radarnan a detecta movecion di un boto sospechoso den direccion di Aruba. A pidi e avion DASH di Wardacosta pa asisti pa verifica e contacto. Den ora nan di marduga di diasabra, 2 Metal Shark a sali pa asina topa cu un boto tipo 'Yola' cu un total di 9 persona indocumenta cu nacionalidad Venezolano abordo. Prome cu unidad nan a yega, persona nan riba e boto a logra di benta bultonan den awa, pero unidad nan di Wardacosta cu asistencia di e helicopter a recupera nan. Ta trata di mas o menos 850 kilo di cocaina i marihuana, cu a wordo confisca.
ORANJESTAD - Diasabra durante dia e team di Narcotica a hasi diferente entrada hudicial y tambe detencion. E team Narcotica ta trahando incansablemente pa combati e bendemento di droga diariamente. Ayera a detene e homber F. di 32 aña na ex United Dinner pa bendemento di droga. A confisca diferente droga entrenan cocaina, cocaina base, marihuana y tambe a haya municion. Tambe a haci entrada hudicial na Panamastraat. Eynan Team Narcotica a confisca cocaina y marihuana. Durante e accion di Team Narcotica a forma parti, e team di Aresto , Flex Team y Unidad di K-9. NOTA: E potret ta di archivo di noticiacla.com y no ta necesariamente uno actual durante e caso relata cu e articulo en cuestion.
ORANJESTAD - Diabierna mainta pa 06:55 central di polis a manda patruya pa e conocido di nan faam L. na su cas situa na Brazil cu lo a pone objetonan riba caminda pa stroba e trafico. Ta asina cu na yegada di patruya ta papia cune e homber L. pero e no ta rasonay na dado momento polis a bay pa detene e homber.