DOW y team di City inspector a recore Aruba pa wak situacion di awa

Posted on 10/18/2018 5:38 pm AST | Updated on 10/18/2018 5:39 pm AST

ORANJESTAD – Hopi parti di Aruba dialuna merdia a haya nan mes den problema cu e yobida fuerte di awacero merdia. Minister di infastructura Otmar Oduber a informa NoticiaCla cu hunto cu full e Team di Dow, apoya pa Bur City Inspector a pasa henter merdia/atardi tur rond Aruba. A mustra cu varios caminda enberdad tabatin problema. “ DOW a actia rapido na varios sitio, previniendo pa posibel awa awe nochi” Oduber a sigura e portal aki. Mes momento el a topa tambe cu e gerencia di Mota Engil, responsabel pa e parti di construccion di Watty Vos Boulevard, unda cu el a admiti cu e no tabata nada contento cu nan. Mes momento el a probecha pa duna nan un zundra. “Mota Engil a haña un clear piece of my mind” Oduber a bisa e portal aki. Manera NoticiaCla a raporta caba, ta spera mas yobida den atardi/anochi/marduga y entre 3 pa 7 mm di awacero extra. Loke ta haci e situacion fastioso, ta e hecho cu hopi lugar ta satura caba, y esaki por crea problema adicional. Te na e momentonan aki, ainda e caminda entre rotonde di FCCA y Cumana ta cera ainda. 

  • Zulo
  • Powered by SETAR