Hulanda dividi riba cambio pa usa horario permanente di zomer of winter

DEN HAAG – Hulanda ta mucho dividi riba cambio di orario entre tempo di zomer of winter den sentido cu kier scohe den un di e dos temponan pa hacie permante. Asina fuentenan na Den Haag ta bisa segun e portal Algemeen Dagblad (AD). Como tal tin informacion cu mayan despues di e conseho di minister, gobierno Hulandes lo anuncia cu pa awor no ta bay dicidi si Hulanda ta cambia pa sea e orario di zomer of winter.  E proposicion ey tabata riba mesa debi na e forma practico cu esaki por nifica pa e pais. “Pa un decision asina crucial, ta mucho tempran” ta loke cu e gabinete lo bisa diabierna despues di nan reunion, debi cu Hulanda ta mucho dividi riba e tema. 

HISTORIA

En realidad e tempo di winter ta e tempo normal, osea e tempo standard na Hulanda. Ta Alemannan a introduce e tempo di zomer na 1916. Esaki pa por probecha di e tempo extra di dia den zomer.  Hulanda ta usa e zomertijd for di 1976 pero hopi hende tin dificultad pa corda si nan mester pone holoshi dilanti of hale atras. A crea un triki pa por corda kico e ta.