Arutram ta coriendo atrobe despues di fayo di comunicacion cu DOW

ORANJESTAD – E tramnan di Arutram ta coriendo normal atrobe, despues cu pa e prome dos dianan tabatin un interupcion pa motibo di mal comunicacion cu DOW. Pero gerencia di e compania a confirma pa NoticiaCla diaranson mainta cu tur cos ta regla atrobe y cu e tramnan ta coriendo normal atrobe. E interumpcion a bin debi na un falta di comunicacion cu DOW ora cu a cuminsa cu e trabounan di renobacion di Havenstraat, cu ta riba e ruta di e tramnan. Aparentemente Arutram no a wordo poni na altura di e cambionan di caminda na Havenstraat. 

SOLUCIONDespues cu e compania a haye cu e situacion imprevisto pa nan, a dicidi di para e operacion pendiente un solucion. Mientrastanto e solucion a bin y esey ta encera cu personal di arutram lo ta fisicamente postula na cierto punto pa dirigi e trafico di e tram, pa asina garantisa un fluho responsabel pa tanto e tramnan y e peatonan. Riba nan pagina di facebook, nan a pone e mensahe awe mainta cu e tramnan ta bek den operacion.  “ Nos ta coriendo via Schelpstraat y ora di bin abou nos personal ta pendiente di e baricada pa e trafico no bay ariba” ta e forma con e compania a informa NoticiaCla di por atende cu e asunto.