Sospechoso di caso asesinato San Nicolas a entrega su mes

SAN NICOLAS - Cuerpo Policial Aruba a informa cu den e caso di tiramento fatal mas trempan cu a tuma lugar, e sospechoso un rato paso a entrega su mes na warda di polis na San Nicolas.  E sospechoso di inicial M ta un homber naci na Corsou na 1974, segun vocero policial suplente Liliana Rasmijn. 

E CASO

Tabata mas trempan awenochi pa 8or cu central di polis a haya un yamada cu un rato pasa un caso di tiramento a tuma lugar na altura di Julio’s Bar na San Nicolas. Patruya di San Nicolas a yega na e sitio di e sucedido y a pidi ambulane cu urgencia. Ambulance a yega na e sitio y a trata e victima pero lamentablemente no por a haci nada pa e victima. Pa 8:50 dr.Britt- Croes ta constata morto di e victima masculino cu  Harmon Girigorie naci dia 21 december 1985 na Aruba. Recherche a jega na e sitio y tuma e investigacion over. Polis technico a yega na e sitio pa hasi nan investigacion tamve. Slachtofferhulp a wordo pidi pa asina papia cu e famia di e victima y asistinan. Fiscal a laga tuma e curpa den beslag. Polis ta pidi ken cu a wak of sa algo yama tiplijn di polis cu ta 11141. Noticiacla ta manda palabra di condolencia na famia di e fayecido.