Serlimar a revoca suspension di miembro di management team

ORANJESTAD - Hunta di supervision di Serlimar despues di a haci un investigacion preliminario dia 7 di september 2018, a suspende 1 miembro di ‘Management Team’. Esaki pendiente un investigacion mas extenso.  E investigacion aki a conduci na e resultado cu ta indica cu  actonan castigabel  no a tuma lugar. Ademas e investigacion a conclui cu no tin motibo pa tuma pasonan adicional disciplinario. Pa es motibo  hunta di directiva di Serlimar a revoca  inmediatamente e prohibicion di entrada como tambe suspension di e miembro di ‘Management Team’. Hunta di supervision ta lamenta incoveniencianan cu esaki por a causa e miembro di management team, pero ta garantisa cu e proceso ta den cumplimento cu “Good Governance Procedures.Serlimar S G ta spera di a informa comunidad debidamente ariba e resultado di e investigacion y ta garantisa comunidad di Aruba di ta para pa un organisacion transparente y integro. 

REACCION GOBIERNOMientrastanto minister encarga cu Serlimar, Otmar Oduber a yama un conferencia di prensa pa diamars mainta pa duna mas informacion riba e tema aki.