Calendario di Carnaval 65 lansa den un forma di 'app'

ORANJESTAD – Diadomingo anochi e titular encarga cu  Cultura, Xiomara Ruiz Maduro a lansa e Calendario di actividad pa e temporada di Carnaval 65 cu a keda introduci den e forma inovativo di un app.  E mandatario a haci uso di e oportunidad pa gradici SMAC y desea nan hopi forza, pasenshi y sabiduria pa dirigi nos Carnaval 65. Un palabra di gratitud ta bay pa tur grupo di carnaval, tur participante, tur musico, tur hende y instancia cu ta haci nos carnaval posibel.