• Front Page
• Politica
• Local
  • Social
  • Polis
  • Corte
  • Economia
• Internacional
  • Corsow
  • Region
  • Hulanda
• Deporte
• English
• Opinion
• Live

• Front Page
• Politica
• Local
  • Social
  • Polis
  • Corte
  • Economia
• Internacional
  • Corsow
  • Region
  • Hulanda
• Deporte
• English
• Opinion
• Live

LaSorte: AHATA preocupa si tin empleo pa miles di camber extra

ORANJESTAD – Loke cu AHATA ta preocupa di dje ora cu toca e tema di moratorium, y e aspecto di tin miles di camber extra, ta cu lo no tin (suficiente) empleo. Asina CEO di AHATA, Tisa LaSorte a bisa NoticiaCla recientemente den un entrevista. E tema ta esun di momento di ‘moratorium’, unda cu un partido tin un campaña pa ehecuta e moratorium, mientras cu di otro banda, gobierno a sigura cu pa otro aña esaki lo keda concretisa pa medio di un ley. Di otro banda, tin un cantidad di camber comprometi, cu tin cu bin. Y aki ta unda cu AHATA su CEO ta preocupa pa e efecto particular di empleo. Recientemente den un comunicado, nan a mustra cu nan ta pro un moratorium. 

EMPLEO Y CALIDAD

E preocupacion di LaSorte y AHATA, ta cu no tin hende suficiente pa emplea ora cu bin cu mas camber. E problema ta cu hopi hende na Aruba, no kier traha warda, weekend, anochi y esey ta haci dificil pa atrae hende den sector di servicio segun LaSorte, cu ta inclui e sector hotelero.“Nos problema ta cu si e invetario crece asina drasticamente, con nos  por keda cu un nivel halto di servicio. Pasobra nos no tin basta hende pa traha na tur e lugarnan aki, y pa duna e nivel di servicio cu nos mester por duna”, LaSorte ta bisa. E otro preocupacion ta cu ora cu tin mas camber, e oferta (supply) di camber ta aumenta, cu ta pone cu e prijs di camber ta baha. “E ta e natural way how it works. Ora cu bo supply ta mas grandi, bo balor ta baha. Ora bo balor baha, bo ta atrae un otro tipo di persona”, e CEO ta sigui bisa. 

COORDINACION DI ESFUERSO

Mientras cu na Aruba tur hende riba nan mes ta ‘goed bezig’, LaSorte ta haya cu mester tin un coordinacion di esfuerso. “Pami e prome step lo ta ken tur mester bin hunto, pa nos crea un masterplan pa Aruba” LaSorte a bisa NoticiaCla riba e tema di con e como ehecutivo lo por soluciona e problema di Aruba. Te cu e entrevista haci, LaSorte no tabata sa exactamente cuanto camber extra lo a bin. Mientrastanto e mandatario di infrastructura Otmar Oduber a revela cu ta trata di por lo menos 3 mil y pico camber cu no por haci nada mas pa para nan, di e 7 mil cu gobierno anterior a firma pe. “Nos no tin un number confirma” LaSorte a bisa e tempo ey. “E pregunta no ta kico ami por haci (pa soluciona e problema di camber) of loke AHATA por haci, sino loke hunto nos por haci pa crea un masterplan cu un birds eye view” LaSorte a bisa. E ta papia riba enseñansa, infrastructura, transporte y mucho mas, unda cu compartiendo tur e informacion crucial, por resolve e problema. 

FORMULA PA CAMBER Y EMPLEONo tin un formula exacto pa calcula cuanto trahado mester basa riba cuanto camber di hotel bin extra segun LaSorte. Tin varios economist cu por haci cierto calculacion. Ademas, ta depende di e tipo di hotel cu ta wordo amplia. “Bo tin un hotel di 5 strea, cu mester mas empleado pa turista” e CEO ta bisa. Pero tambe tin e parti indirecto, pues e efecto cu ta pone cu mester di mas compania pa service airco, ijs y mas. Tur esaki mester wordo calcula aden tambe. E pregunta ta a raiz di e percepcion cu automaticamente ta coi un formula pa multiplica cantidad di camber cu un cierto cantidad di trahado (y nan famia), siendo cu no tur ora esaki ta e caso automaticamente. Pues no ta pasobra tin  2000 camber extra, mester multiplica esaki cu 2 of 3, pa haya e cantidad di trahado extra cu lo mester.