A termina relacion di trabou cu director di Elmar pa fin di luna

ORANJESTAD – Hunta di directiva di NV Elmar a yega na un acuerdo cu director Robert Henriquez, pa termina su relacion di trabou entrante 31 di October 2018. Asina fuentenan cerca di e proceso a confirma pa NoticiaCla dialuna atardi. “A yega na un acuerdo mutuo pa termina relacion di trabao per 31 October benidero” e informacion a bisa cu e portal aki a ricibi. Tin un participacion interno na tur empleado ta coriendo rond informando di e decision aki. Tin indicacion cu ta trata aki di un caso di un ‘golden handshake’. Manera ta conoci, Henriquez a keda suspendi na juli ultimo pa un periodo inicial di un luna, cu despues a keda extende cu 3 luna mas te fin di November. Pero awor esaki a keda regla cu Henriquez ta retira entrante fin di luna. Tabatin un caso sumario pendiente pa 18 di october 2018 pero a prefer di no yega asina leu. Mas detayes ta keda pendiente.