Tecla Kelly a haya reconocemento pa su aporte cultural di Aruba

ORANJESTAD  – Minister a duna reconocemento na  Tecla Kelly pa aporte cultural. E mandatario encarga cu cultura Xiomara Ruiz diahuebs  durante un actividad ameno Gobierno di Aruba pa medio di Minister Ruiz-Maduro tabata tin e honor y placer pa duna un homenahe special na  . Tecla  Kelly-Hernandez, pa su añanan dedica na cultura di nos país Aruba. Un bunita video a wordo prepara special pa e anochi aki caminda a duna en corto un refleho di kende ta Sra. Tecla Delfina Kelly-Hernandez.

TRAYECTORIA 

Tecla su trajectoria di dedicacion boluntario a surpasa mei siglo. Hopi kisas lo a conoce na timon di actividadnan carnavalesco so pero poco kisas sa cu desde un edad hopi hoben ya Tecla tabata dedica na actividadnan di grupo y organizacionan manera grupo di mucha muhernan den formacion, grupo di comedia, duna huiswerkbegeleiding na muchanan di bario, forma parti di organizacion di canto, contribucion na busca candidatanan pa Miss Aruba y por ultimo a dedica añanan na nos carnaval tanto local como internacionalmente.

Tur esaki y hopi mas a contribui cu Tecla ta ser considera un lider pa loke ta trata nos cultura y su contribucion sigur ta di balor grandi den desaroyo cultural di nos pais.  E mandatario a expresa cu e conocimiento y experencia amplio di Tecla sigur ta un aporte grandi pa sigui desaroya y engrandece nos cultura.