Acuerdo confirma pa dispensa cierto grupo e cobransa di Serlimar

Acuerdo confirma pa dispensa cierto grupo e cobransa di Serlimar

Posted on 10/10/2018 3:53 pm AST | Updated on 10/10/2018 4:24 pm AST

ORANJESTAD – Despues cu algun siman pasa sindicato FTA a duna NoticiaCla e primicia di e intencion pa dispensa cierto gruponan den comunidad di Aruba cu cobransa di Serlimar, e siman aki minister encarga cu Serlimar esta Otmar Oduber a confirma pa NoticiaCla cu e deal ta cla y aproba. E mandatario a confirma cu pa tres grupo specifico tin tarifa special, diferente cu esun general di 25 florin cu a acorda algun siman pasa cu lo cobra tur hende entrante 1 di maart 2019. Un di e tres, no ta bay paga nada, y e otronan ta bay averigua cuanto exactamente lo por cobra nan. A compronde cu tur esaki a sosode cu consensus di varios sindicato, fuera di FTA, unda cu tur ta riba e mesun liña pa cu e forma di cobransa aki. 

E GRUPONAN

E mandatario a bisa NoticiaCla cu berdad, manera cu NoticiaCla a raporta, algun siman pasa el a sinta cu president di sindicato FTA Hubert Dirksz y a traha riba un proposicion pa asisti algun grupo den comunidad cu lo por tin problema pa paga pa Serlimar recohe sushi di cas. E tempo ey, Dirksz a bisa NoticiaCla cu e tabata un proposicion cu FTA ta sostene pero cu mester a keda aproba pa gobierno. Esey pues awor ta confirma. Ta trata di e grupo di persona cu ta ricibi solamente AOV tur luna, cu ta basicamente e grupo di pensionado, e grupo di hende cu ta ricibi bijstand/onderstand, y e grupo marginal cu tin dificultad pa paga suma regular. Segun Oduber, pa e grupo cu ta ricibi solamente AOV, nan lo paga solamente 15 florin pa luna. E grupo cu ta ricibi bijstand/onderstand lo tin un nul tariff, osea cu nan no ta paga nada. E grupo otro marginal, lo wak con ta bay cobra nan. Mes momento Oduber a bisa si cu pa loke ta e grupo di AOV, si nan ta biba cu un hende cu si ta gana un salario fin di luna, e regla aki no ta valido y lo cobra e suma ‘normal’ di 25 florin pa luna. 

COBRANSA

Con tin cu cobra esaki, no ta conoci ni confirma ainda segun e mandatario. Sea ta cobra esaki via belastingkantoor, of otro forma, pero esaki tin cu keda cla ainda. Esey lo keda discuti den e proximo simannan, pa despues cuminsa cu un campaña fuerte di concientisacion. 

  • Gobierno a firma MoU cu compania di helicopter pa Aruba

    Gobierno a firma MoU cu compania di helicopter pa Aruba

    ORANJESTAD – Gobierno di Aruba (lesa Minister Andin Bikker:red) a firma un MoU diabierna cu e e empresa Colombiano SADI pa provee servicio di helicopter pa Aruba. E helicopter mes no a logra yega Aruba ayera debi na e restriccion aereo entre Venezuela y Aruba , pero e mandatario a priminti cu prome cu 18 di maart e helicopter lo ta na Aruba. A compronde cu e helicopter cu lo bin, ta uno temporal, mientras cu esun fiho ta wordo pinta aworaki ainda. Unabez cu e ta na Aruba e helicopter lo staciona na un post nobo na kazerne di Bombero na Tanki Flip. Esey ta haci tambe cu e salida di e vehiculonan di bombero awor lo ta diferente, pa no stroba e helicopter. E aparato actualmente ta na Riohacha Colombia, despues di a sali di Bogota.

  • Merca a de-blokia sumanan pa Fase 2 di CITGO por sigui

    Merca a de-blokia sumanan pa Fase 2 di CITGO por sigui

    ORANJESTAD – Autoridad Mericano a aproba pa de-blokia sumanan necesario pa e di dos fase di e refineria su upgrading por continua. Asina Prome Minister Evelyn Wever a informa diasabra mainta. “ Despues di hopi esfuerso negociando cu autoridadnan mericano, nan a otorga un “General License 7a” pa nos refineria por continua cu fase 2” Wever a cuminsa na bisa. Manera ta conoci Fase 2 a wordo para abruptamente ora sanccionnan mericano a blokia e fondonan necesario dos siman pasa y hopi empleado a wordo retira. 

  • Oduber: Gabinete anterior a duna permiso pa Embassy Suites na Aruba

    Oduber: Gabinete anterior a duna permiso pa Embassy Suites na Aruba

    ORANJESTAD – Ta e gabinete anterior (Eman II) a firma y duna luz berde pa e proyecto di Embassy Suites by Hilton. Asina Minister di Turismo Dangui Oduber a bisa NoticiaCla diaranson como reaccion riba e noticia. E ta confirma cu no ta algo nobo, sino algo di 4 aña pasa, y nan tin 2 aña den construccion caba. “Embassy Suites ta parti di e 7000 cambernan di sea condo of hotel cu nos gobierno a hereda for di gobierno anterior” Oduber a bisa mas specifico. E ta haya straño cu awor tur hende a bin cay riba dje. Pero manera NoticiaCla a raporta un dia prome, ta awor Hilton a haci e anuncio official. 

  • Partido AVP a convoca un manifestacion nacional contra Gobierno

    Partido AVP a convoca un manifestacion nacional contra Gobierno

    ORANJESTAD – Partido AVP a convoca un manifestacion nacional pa diabierna 12 di april proximo. Asina e lider di partido Mike Eman a bisa diamars anochi durante un encuentro na nan cede principal, Cas di Partido. Durante e reunion, Eman a pidi sosten di esnan presente y mandato pa tene e evento riba e dia ey. E motivacion di e partido, ta pa forza Gabinete Wever Croes stipula un fecha pa eleccion nobo. “Nos no lo bay di eynan sin haya un fecha” Eman a sigura tur esnan presente. E fecha stipula pa ley di e siguiente eleccion Parlamentario ta pa september 2021. No ta conoci si esaki ta loke Eman ta referi, of si e kier un fecha diferente, esta mas tempran.  Segun Eman, ta considera cu e Gabinete Wever Croes a comete asina yama ‘kiezersbedrog’ door di no cumpli cu varios di e promesanan di campaña. Y e situacion a empeora segun e ex prome minister a sigura esnan presente. Fuera cu ta dia 12 di april y cu nan lo marcha bay dilanti Bestuurskantoor, no a participa e orario ni mas detayes. 

  • FCCA a inaugura proyecto di cas di huur pa nos grandinan na Savaneta

    FCCA a inaugura proyecto di cas di huur pa nos grandinan na Savaneta

    SAVANETA – Fundacion Cas pa Comunidad Arubano (FCCA) diamars atardi a inaugura un proyecto di cas di huur pa nos grandinan na Savaneta. E proyecto ta conta cu 36 cas di 1 camber y 6 camber den e parti central cual ta bira 42 lugay e otorgamento di e casnan a bay segun e sistema di inscripcion y otorgamento di cas di FCCA. Pronto lo termina cu e ultimo 6 apartamentonan destina pa personanan di 55 aña y mayor cu por biba independiente.

  • AVP ta organizando un manifestacion nacional contra gobierno

    AVP ta organizando un manifestacion nacional contra gobierno

    ORANJESTAD – Partido AVP kier organisa un manifestacion nacional contra e gobierno actual Wever Croes. Pa logra esaki, nan a convoca un reunion diamars anochi pa su dirigentenan di barrio y activistanan ta presente na Cas di Partido anochi 7’or unda cu mester  delibera con pa organisa e manifestacion. Segun e partido berde, nan kier ‘para e desaroyo doloroso cu e gobierno na Aruba ta creando’. “Pueblo ya mas no por soporta e medidanan di e gobierno y awor tin un otro cantidad di medida den preparacion cu practicamente ta un otro redoblacion di BBO” Esey ta  entre otro loke nan ta protestando y kier logra cu e manifestacion. No a bisa ki dia e manifestacion lo mester tuma lugar.  

  • Banco Di Caribe autos
  • Powered by SETAR