LaSorte: Si turista pidi pa Airbnb, Aruba mester por ofrece esaki

ORANJESTAD – Si e turista ta pidi pa e concepto di Airbnb, Aruba como destinacion, mester ofrece esaki. Asina e CEO di AHATA Tisa LaSorte a bisa den un entrevista cu NoticiaCla. E concepto di Airbnb esta casnan particular gehuurd of un camber di un cas particular cu turista ta un concepto ya popular na Aruba, aunke cu e no ta regula oficialmente. Recientemente cu e ley di All Inclusive, esaki awor mester keda regla segun   LaSorte. “Nos opinion di e sector ey ta cu si esey ta loke e turista kier, como un pais (destinacion) bo mester por ofrece e diferente cos cu e turista kier” LaSorte a bisa. Mescos cu e aspect di All Inclusive. Si ta kere cu e concepto ey mester contribui na e fondo di mercadeo. 

FONDO DI MERCADEO

Loke ta pasa awor segun LaSorte, ta cu e fondonan cu ta bay pa Arub Tourism Authority y cu nan ta usa pa mercadea hotel, ta bin di e room tax cu e turistanan ta paga na e hotelnan. “E chikitonan tambe ta beneficia di e mercadeo (cu e placa di hotelnan grandi ta genera y aporta na fondo di mercadeo di Aruba via ATA), y nan no ta pagando e room tax” LaSorte a bisa. E ley nobo ta exigi cu esnan cu ta practica e concepto di Air BnB, no solamente mester busca un permiso pa por huur e camber, pero tambe mester cobra y paga e room tax. “E ora nan (tambe) ta contribuyendo nan e fondo di mercadeo” LaSorte. Esey no kier men cu nan tambe mester bira miembro di AHATA.

CONCEPTO AIRBNB

E concepto Airbnb ta un Mercado cibernetico riba cual doño di casnan particular por huur un camber of cas complete na un otro persona, manera un turista. E concepto a cuminsa na 2009 y a crece de centenares di pais, incluyendo Aruba. No ta conoci si Aruba su concepto ta aplica e reglanan manera mester ta, ni si nan ta registra riba e Mercado di Airbnb. Un registro mester contribui un percentahe na e plataforma.