Hefe grandi di KLM Camiel Eurlings a retira ‘per direct’

AMSTERDAM –Mientras cu na Aruba diaranson merdia, gobierno a sera conoci cu e directora comercial nobo pa KLM esta Veronica Catany-Rezk, e mesun aerolinea a anuncia na Hulanda cu nan hefe grandi, Camiel Eurlings, a retira ‘per direct’ di su funcion como president director di e compania. E funcion e la tene pa 4 aña despues cu e tabata minister di transporte hulandes. Segun KLM, a haci e cambio aki den cuadro di su termino cu tabata pa finalisa april di otro aña. “Den cuadro di esaki, nos hunto a dicidi cu e lo retira como presidente director y ta traha caminda pa su successor”. Esey tabata e declaracion oficial di KLM. Mientras cu tin hopi speculacion di su retiro, esun principal ta e problemanan recien di e aerolinea unda cu p.e. tabatin un welga di pilotonan di e seccion frances. E welga no a afecta KLM, pero toch a causa basta problema pa Eurlings pa e forma di maneho. Pieter Elberts, e actual COO di e compania, ta reemplaza Eurlings mesora.