Edificionan di pueblo, mfa, awo ta disponibel pa nos grandinan

ORANJESTAD - Fundacionnan y of organisacionnan cu ta atende cu nos Grandinan awo por conta tambe cu edificionan cu ta pertenece na pueblo pa tene nan encuentronan semanal. Asina Prome Minister Evelyn Wever-Croes a anuncia den un comunicado diabierna. 

Gobierno di Aruba tin un maneho nobo pa loke ta trata e edificionan di MFA den barionan. E edificionan aki ta disponibel pa nos grandinan y tur organisacionnan cu ta traha cu nos grandinan pa reunionnan y encuentronan te na un maximo di 4 ora pa siman sin tin costo mara na esaki. 

Gobierno a haci un yamada ta bay na tur fundacionnan of organisacionnan cu ta cuida di nos hendenan grandi, pa tuma contacto cu e MFA’nan pa haci peticion pa uzo di un di e edificionan aki. Asina aki Gabinete Wever-Croes ta duna bek na nos comunidad tambe y nos Grandinan tin mas opcionnan unda pa reuni y tene nan encuentronan.