Polis Maritimo a intercepta lancha Venezolano piscando

ORANJESTAD – Polis Maritimo a intercepta un lancha Venezolano diabierna mainta. Tabata 10 or am cu a drenta yamada for di Kuststation informando Polis Maritimo cu 8 miya zuidwest den awanan territorial di Aruba lo tin un lancha Venezolano ta tirando palabambra. Pa 11:15 polis a bin encontra un lancha blauw cu blanco mas of menos 8 Nm zuidwest di Aruba. Na momento cu a duna nan ordo pa para, nan a subí speed y sigui bai. Despues di un persecucion y na un manera tactico a logra para e lancha Venezolano Jama "El Gina" cu 5 Venezolano abordo.  E 5 Venezolanonan a wordo deteni y treci tera pendiente di mas investigacion. E capitan a declara cu nan a tira 400 línea cu anzue pega na palambra. Polis Maritimo a bin cu nan y e boto Barcadera pa por continua cu e investigacion.