Arubiano Denzel Dumfries ta den seleccion nacional di futbol Hulandes

AMSTERDAM/ORANJESTAD – E Arubiano Denzel Dumfries pa prome biaha ta forma parti di e seleccion nacional di futbol Hulandes. Asina prensa Hulandes a raporta diabierna. Actualmente e ta hungando den e seleccion professional di PSV desues di a bin di ekiponan manera Sparta y SC Heerenveen. E ta forma parti awor di e seleccion  di 25 hungador, bou di entrenador Ronald Koeman. Ta considera esaki como un ‘premio’ pa su bon prestacion cu e ekipo PSV.  Pa Aruba esaki sigur ta un honor grandi, mirando con su yiu di tera ta militando den e seleccion nacional di Hulanda. Banda di Dumfries, tin mas colega di dje cu a wordo selecciona pa prome biaha den e seleccion nacional. Ta trata aki di Steven Bergwijn y Pablo Rosario voor het eerst opgeroepen voor het Nederlands elftal. E seleccion Hulandes ta hunga dia 13 di October den cuadro di Nations League contra Alemania. E wega ta tuma lugar den Johan Cruijf Arena. Dia 16 di October tin un wega amistoso na Bruselas contra Belgica. 

E seleccion nacional Hulandes completo ta encera e siguiente hungadornan: Patrick van Aanholt (Crystal Palace), Nathan Aké (Bournemouth), Ryan Babel (Besiktas), Donny van de Beek (Ajax), Steven Bergwijn (PSV), Marco Bizot (AZ), Daley Blind (Ajax), Jasper Cillessen (FC Barcelona), Memphis Depay (Olympique Lyon), Virgil van Dijk (Liverpool), Denzel Dumfries (PSV), Arnaut Danjuma Groeneveld (Club Brugge), Hans Hateboer (Atalanta Bergamo), Frenkie de Jong (Ajax), Luuk de Jong (PSV), Matthijs de Ligt (Ajax), Quincy Promes (Sevilla), Davy Pröpper (Brighton & Hove Albion), Marten de Roon (Atalanta Bergamo), Pablo Rosario (PSV), Kevin Strootman (Olympique Marseille), Tonny Vilhena (Feyenoord), Stefan de Vrij (Internazionale), Georginio Wijnaldum (Liverpool) y Jeroen Zoet (PSV). Potret cortesia: www.feanonline.nl