Grupo di polis di Aruba reconoci pa St Maarten pa ayudo voluntario na calamidad na 2017

ORANJESTAD - Diahuebs anochi na Papiamento restaurant a tuma lugar un ceremonia special pa asina reconoce 34 miembro policial di Aruba. 34 agente policial a bai yuda nos hermana isla Sint Maarten despues cu Horcan Irma a azota e isla. Ministro di Husticia di Sint Maarten a pidi ayudo na Aruba y Cuerpo Policial Aruba no a pensa 2 biaha y a manda un equipo di 34 agente policial na aña 2017. Den luna di september y oktober 2017 2 equipo di agentenan policial di Aruba a bai duna un man den calamidad na Sint Maarten. Un experencia bibo con nan a mira nos isla ruman distrui a causa di horcan Irma.

Awe 1 aña despues den un ocasion special Ministro di Husticia di Sint Maarten Sr. Hugh de Weever a bin Aruba pa asina reconoce e 34 agente policial di Aruba personalmente. Den man di Minister Bikker y de Weever a duna cada polis un medaya pa honra nan pa nan balentia, corage y boluntad pa yuda restablece orden publico y duna un man na e comunidad di Sint Maarten.Den presencia di Minister di Husticia di Aruba Sr. Andin Bikker, Gezaghebber di Boneiro Sr. Edison Rijna, representante di Ministro di Husticia di Curacao Desiree Lai-Promes y alto comisario Sr. Andrew Hoo tabata presente pa mira nos agente policial wordo honra na e ocasion special aki. Nos lo sigui yuda nos isla ruman nan den cualker nesecidad y calamidad. Hunto nos ta un Reino Hulandes. Potretnan cortesia MasNoticia.