Tin 6 pa 8 caso pa aña registra pa task force contra traficacion di hende

ORANJESTAD - Dia 18 di october ta corda riba tur hende cual nan derecho a ser kita dor di traficacion di hende. Pa resolve problemanan asina, tin un grupo di diferente departamento cu ta forma un task force. Jeannette Richardson Baars ta coordinadora nacional riba trafico humano y ta lidera e parti aki. El a splica durante un conferencia di prensa kico lo bay ser hasi e siman aki relaciona cu e siman di traficacion di hende . A repasa riba kico a ser hasi caba di a task force e ultimo añanan aki riba e tema aki . Tin casonan caba registra na Aruba cu lo por ta conoci pa autoridadnan local. Tambe a splica cu si yega asina leu cu un hende haya sa di un caso di traficacion di hende e tin un caminda pa jama of pa duna informacion di un caso asina ki.

Baars a splica cu te cu awor aki tin 6 pa 8 caso pa aña cu ta keda registra pa e task force. Baars a splica di casonan y con a yega na nan . A alerta cu awendia mayornan ta laga nan yiu sali bay riba caya nan so, cu por trece un peliger cune pa nos muchanan muher. Especialmente hende muher pues, cu semper ta e victima mas grandi den traficacion di hende.