Asociadonan di La Cabana a tene ultimo reunion general di asociado pa 2018

EAGLE BEACH - La Cabana Beach Resort & Casino a caba di conclui su di “100 Dia di Hospitalidad” anual, caminda cada departamento a comparti nan compromiso durante e lunanan di zomer, cu e obhetivo di mantene score halto di motivacion, enfoke, moral y servicio na e cliente durante e periodo di hopi trabao. E campaña a conclui durante e tercer kwartaal di e asamblea general.

E Directora di Recurso Humano, Tessely Koolman a enfatisa riba e importancia di Team Building como parti di e exito di e hotel, mencionando e participacion di La Cabana na e torneo di 5-Kamp, caminda cu e ekipo a logra bai cu e di dos lugar den Human Foosball. Tur e hungadornan a reuni durante e torneo di diferente wega asina apoyando otro y disfrutando hunto pafor di ora di trabao. E capitannan di e ekipo di 5-Kamp a wordo reconoci cu un medaya di gradicimento pa nan dedicacion y compromiso. Un palabra special di gradicimento a bai pa Security/Pool & Beach Manager John Kock pa su extra esfuerso pa coach casi tur e weganan di e torneo.

E culminacion di e “100 Dia di Hospitalidad” a inclui un treat saludabel estilo “Grab and Go” pa tur e asociadonan den e “Chit Chat Café”, e cafeteria di e hotel. Entre e highlightnan di e meeting, Najjar a comparti cu cada un di e departamentonan a mehora nan performance score durante e 100 dianan di hospitalidad compara cu e aña anterior. E departamento cu nan score a mehora mas a wordo recompensa cu laba di auto pornada cortesia di e management team, un incentivo cu tabatin reacionnan positivo, specialmente ora a bira conoci cu e ganador ta e departamento di Housekeeping. E reunion general di asociado di e tercer kwartaal a finalisa exitosamente. Un gradicimento special ta bai pa e MC dinamico di dia, John Kock, Security / Pool & Beach Manager.