Tres atraco arma den menos di 24 ora na Aruba, 6 den 2 siman

ORANJESTAD – Cu e atraco ayera nochi na Rowiginis, Aruba ta conoci su di tres atraco den menos cu 24 ora entre dialuna y diamars. Hunto cu esey, tin tres atraco mas cu a sosode den e ultimo siman di September, cu ta pone cu den menos di un luna, Aruba ta conoci 6 atraco den 2 siman. E ‘modus operandi’ ta parse di ta mescos, esta cu dos pa tres hende cara tapa, ta asaltando sea restaurant, snack truck of supermercado. Polis tin su man yen cu e casonan aki.