Total di 5 hungador di Reino Hulandes den playoffs MLB

NEW YORK – Pa prome biaha, un total di 5 hungador di baseball professional di Reino Hulandes ta participa den playoff di Liga Grandi di Baseball professional na Merca, esta MLB. E weganan di playoff ta cuminsa diamars awor dia 2 di October 2018. E 5 hungadornan ta e Arubiano Xander Bogaerts y di Corsou Didi Gregorius, Jonathan Schoop, Kenley Jansen y Ozzie Albies. E portal Hulandes di baseball a haci un raportahe riba e topico aki, cu NoticiaCla ta reproduci. 

XANDER Y DIDI

Xander Bogaerts cu Boston Red Sox a kibra record di weganan gana (106) y ta lidera e ekiponan cu esey. Didi Gregorius y New York Yankees a termina nan temporada cu 100 wega gana y a keda na di dos lugar tras di Boston den American League Eastern Division. Nan mester hunga pa e ‘wild card’ contra Oakland Athletics pa postula nan mes pa e prome ronda official di e playoff (Division Series). Manera cos ta awor, e por nifica cu Yankees por topa nan rival di tur tempo, esta Boson Red Sox,. Cleveland Indians y e ekipo cu tin cu defende su titulo, y Houston Astros ta otro dos ekipo den playoffs den American League. 

NATIONAL LEAGUE

Den liga nacional, tin Atlanta Braves cu Ozzie Albies, cu a bira e ganador di e Eastern Division. Jonathan Schoop (Milwaukee Brewers) y Kenley Jansen (Los Angeles Dodgers) tambe ta poni pa playoffs. 

EMPATA

Loke ta hopi interesante ta cu Dodgers y Colorado Rockies den NL West tambe tin e mesun cantidad di wega gana, esta 9. Pa prome biaha den 115 aña, tin un situacion den cual 4 ekipo tin cu hunga un wega decisivo pa determina cua ekipo ta gana e division y cua ekipo lo hunga diamars anochi pa e wild card. Potret y raportahe cortesia  di www.honkbalsite.com