Management team ta reemplaza director di Arubus Teo Croes

ORANJESTAD – Un management team lo reemplaza actual director di Arubus, esta Teo Croes e siman aki. Asina minister di transporte Chris Romero a informa durante un conferencia di prensa. E management team lo cuminsa traha pa un period transitorio, te ora cu e proceso pa haya un director nobo keda cla y lo keda instala e siman aki. Mientrastanto e director interino lo ta na cabez di e compania. Otro siman mientrastanto e proceso pa un solicitud habri pa un director/directrice ta cuminsa. Segun Romero, tanto Croes como gobierno a yega na un acuerdo amical pa bay for di otro. A splica cu siman pasa diabierna tabata ultimo dia di Teo Croes, y e siman aki kier instala e management team nobo. E intencion ta pa comienso di November 2018 lo tin un director nobo den funcion na Arubus. 

MENCION

Tabata for di comienso di luna di juni, Minister di transporte Chris Romero a confirma na NoticiaCla   cu lo tabatin cambio na caminda den top di Arubus, y cu e ta un decision mutuo, esta di ambos banda. Di otro banda e mandatario a desmenti e noticia di un otro portal di noticia (24ora.com) e tempo ey cu ya tin un persona caba apunta pa reemplaza e actual director Teo Croes. “Esey no ta corecto” Romero a sigui bisa.