Amalin Flanegin encarga pa set up camber di integridad

ORANJESTAD – Señora Amalin Flanegin a keda encarga como e persona pa set up e ‘camber di integridad’, osea e integriteits kamer como e asina yama ‘kwartiermaker’. Asina prome minister Evelyn Wever Croes a confirma dialuna mainta den un conferencia di prensa. Segun Wever, mas detayes no ta conoci di ki dia esaki ta cuminsa, pero solamente cu señora Flanegin, cu actualmente ta traha na Banco Central,  a keda apunta. No tin fecha, telefon ni oficina ainda unda cu e camber aki lo keda ubica. Esnan cu a yuda apunta e persona aki, ta Procurador General, hefe di Direccion di Recurso Humano, hefe di Seguridad Nacional, y hefe di Centraal Accountants Dienst. Segun Wever, Banco Central lo 'fia' sra Flanegin sin gasto adicional na gobierno pa e proyecto aki.