Problema cu calidad di jetfuel a pone cu avionnan no por fuel na Aruba

ORANJESTAD – Un fayo den calidad di e gasoline di avion, osea jetfuel, a pone cu avionnan no por haya fuel y a haya un retraso of mester a desvia enbes di baha na Aruba. Entre nan KLM Y Aruba Airlines debi cu nan mester fuel, pero no tabata por. Vocero di aeropuerto Hendrik Croes a sigura cu aeropuerto no ta ceral pero ta operacional, pero solamente ningun avion no por fuel na Aruba te ora cu tin claridad riba e calidad di fuel cu ta wordo usa. 

DELAY

Pa motibo di e situacion, algun avion a confronta retraso. Ta trata di 5 avion commercial y 1 priva. Un di e 5 nan a sali caba mientrastanto. Avionan cu no tabatin mester di fuel na Aruba, por a bandona nos isla, pero esnan cu mester a fuel, no a aterisa. Informacion cu NoticiaCla tin, ta mustra cu e por crea un problema di seguridad pasobra ta conoci cu Merca no ta haci wega cu avion y aeroliña. E problema ta e calidad di e fuel, y esaki por tin su impacto riba turismo di Aruba den e proximo dianan. Tanten cu no tin un claridad, ta posibel cu ningun avion cu mester fuel, lo baha na Aruba. Segun e vocero, Directie Luchtvaart y FMSA (e compania responsabel pa e fuel) ta bezig pa soluciona e situacion mas liher posibel.