Brasil kier pa Aruba sostene candidatura di Brasil pa ISSA

DEN HAAG  – Embahadora di Brasil Regina Maria Cordeiro Dunlop a haci un bishita oficial na Minis-ter Plenipotenciario Guillfred Besaril cu e meta pa papia riba candidatura di Marcelo Abi-Ramia Caetano pa e posicion di Secretario General pa International Social Security Association (ISSA), cual apuntacion a tuma lugar durante di encuentro di ISSA na december e aña aki na Ginebra. Si Caetano keda eligi como Secretario General di ISSA, esaki lo ta prome biaha cu un persona cu no ta Europeo, lo ocupa e puesto aki.

Embahadora Cordeiro Dunlop a expresa cu Gobierno di Brasil lo aprecia hopi mes si Aruba sostene e candidatura di Brasil na ISSA. Minister Plenipotenciario Guillfred Besaril a bisa sra. Cordeiro Dunlop cu e lo hiba e mensahe aki pa e autoridadnan na Aruba y cu pronto elo comunica bek cu embahadora Cordeiro Dunlop tocante e posicion di Aruba riba e candidatura di Brasil.