The Casino na Hilton ta presenta FPNC cu un cheque generoso

PALM BEACH - Un bingo pa recauda fondo pa Fundacion Pa Nos Comunidad, FPNC, a recauda casi $3,000 fin di siman cu a pasa na Hilton Casino. E fundacion, cu su cede na Oranjestad, a wordo funda na 2009 cu e mision di inspira, cultiva speransa y confiansa, encurasha compasion y comprension, y crea oportunidadnan pa e miembronan menos afortuna di nos isla.

E fundacion lo kier haci di su mision un punto di agenda pa tur hende den e comunidad di Aruba, y como tal, e ta traha pa uni organisacionnan, fundacionnan y full e comunidad pa ta parti di e lucha contra hamber, pobresa, angustia emocional y e exclusion social di tur hende - sin importa nan cultura, nacionalidad, religion, rasa of etnia. The Casino na Hilton a responde na e yamada na augustus caminda cu 5% di e benta diario di bingo a bai pa Fundacion Pa Nos Comunidad, y na e bingo existoso aki pa recauda fondo diadomingo cu a pasa, a yuda recauda un suma substancial. Riba potret por wak e popular cantado di bingo di e casino Carissa Ramirez, e supervisor di marketing Jaromir Petronilia, e representante di FPNC Gianaika y e representante di gerencia Edwin Coutinho, na e presentacion di e cheque.

E casino tabata jen di actividadnan dibertido e diadomingo ey. Inmediatamente despues di e bingo, e Poker Room a conclui e Aruba Poker Series di $10,000 cu ganadornan afortuna cu a colecta nan placa cash y trofeonan, y tambe pose pa un potret. Pa mas informacion tocante e promocionnan y e Poker Room, por yama na 526-6930 of 630-3899/526-6917.